【環球金融快線】日股再衝40000關冇難度

【Now財經台】日本股市年初一度突破40000點關口，但之後未能再衝高，去到4月更跌到31000點邊緣，之後步回升，日經平均指數近期走勢唔差，昨日(19日)一度高見38861點，要再挑戰40000關難度高唔高？

資深經濟師羅家聰認為難度唔高，依家距離40000關只係千幾點，不過，依家環球股市乏力，升勢減慢咗，日股喺5月急彈後，6月升勢已開始減慢，日股同美股一樣，主要由科技股領軍，所以一旦科技股出現調整，日經都會跟跌，嚟緊要留意以伊局勢及美國聯儲局嘅減息步伐。