【輪證贏家】Labubu又見上車位

【now.com財經】噚日出文後見小時圖150線繼續喺頭頂，保歷加通道拓闊中而Slow STC(14.3)繼續出超賣再超賣，所以出動隻恒指熊(64039)追跌。

喺噚日嘅【輪證下半Part】都Set好咗借五分鐘圖嘅10線同保歷加底線做向下落嘅Swing通道，所以Mark住指數一過五分鐘圖10線嘅話，(64039)就閃人。

去到下半場大約1點15分，清楚見到恒指成粒燭完全企於10線之上，Hold咗成個上半場(64039)都可以收割啦。

一樣用返10分鐘作為走貨時間的話，按期內高低位為0.073元/0.07元，平均走貨價為0.0715元，呢一趟平均食18格或33.64%。

依家9點48分，坦白講今日係有啲難玩，噚日指數向下殺咗五層牛證街貨之後，今日又儲返番嚟，誓指數又企近牛證街貨位置喎，再向下殺落去，合情合理；但係小時圖見Slow STC(14.3)有似出觸底走勢，同時連日線圖保歷加通道口都無乜點拓闊，話佢喺仝位療陣傷都唔出奇。所以今日作戰室還原返平時爬格仔嘅策略，開市後出嘅第一注好倉已經收割咗，依家反手淡倉做緊，隨時10點未到又食埋。

不過今日應該都係隻labubu(09992)比較吸睛，今朝甫開市跌6.2%，開市報233.2元。不過呢隻嘢向來都大上大落，而今日逆市下行maybe兩個原因：1. 王寧減持(合理)；2. 競爭對手Fugglers崛起(老娘我Search過Fugglers...果然我只係識條鐵)。

日線圖上見股價今日向下跳過條20線，雖然開市後股價出低開高走，明顯係之前一直見佢係咁上而Miss咗嘅，今日見到呢個位仲唔拿拿臨上車，所以推返高個股價咩。所以老友Fila今朝問我要唔要止一止賺好，真係唔駛咁心急，呢啲係等買盤再推高多幾蚊先再諗都唔遲。

小時圖見labubu都低開高走至10點後返入保歷加通道裡面，依家10點8分，高位暫時見過246元，有掂過下條20天線。

借呢個小時圖出好追上唔係唔得，但問題係小時圖最近嘅線10/100線位置大約係250.76元/248.69元，變相條20天線(約246.01元)要失而復得。

所以，注碼控制風險之餘，labubu本身上落幅度都比較大，所以盡量揀啲低引伸嘅Call相對穩陣啲，低街貨就唔少得架啦。

泡瑪Call(16693)，行使價250.2元，槓桿約2.96倍，未算最高但呢隻嘢以附近嘅行使價比，屬低引伸，低街貨。

拎入貨位嘅話睇五分鐘圖中軸，過到嘅小注一試。

作者阿珊，以技術分析專心玩輪證，唔貪心，努力賺取我家肥貓罐罐。

直接去Patreon七日免費試用即市作戰教室: https: //www.patreon.com/join/cbbcwar