【名家給力場】香港必須諗計解「防疫死結」

【Now財經台】全球多個國家地區已陸續重開邊境，但香港至今仍未開關，好難發揮國際商貿角色，喺咁嚴謹嘅防疫措施下，對香港嘅國際金融中心地位有咩影響？

房委會資助房屋小組前主席黃遠輝指，短期嚟講，香港過去兩年咁嚴謹嘅防疫措施，已經令唔少外資企業做咗其他部署，例如一啲外資金融機構嘅地區管理人員揀咗去新加坡，就算本身總部喺香港，仍然揀「人在新加坡」，因爲出入境較方便，導致過去兩年外資人才，包括派駐香港發展業務、做生意、甚至培訓已經好少。

佢又話，就算香港稍後略為「鬆綁」，但都未去到出入自如，因此，政府的確有需要重新考慮防疫措施問題，同埋思考下呢啲措施點樣嚴重影響香港嘅經濟發展。