【息賺】公用股、高息股Short Put「生人勿近」

【Now財經台】大市反彈，如果想趁低加注，或低撈公用股、高息股，但又怕撈完之後，股價隨時跌到更低，資金繼續被鎖死，有咩期權部署可以慳資金成本嘅同時，執平貨賺下期權金利息？

期權交易員牟展鵬指，雖然大市有反彈，但最近公用股、高息股仲係偏弱，投資者可以用Short Put(認沽期權短倉)降低撈貨成本及風險，槓桿唔會被放大之餘，期權按金僅20%，可以慳返唔少資金成本，不過，做Short Put嘅前提係投資者本身炒開公用股、高息股，呢個操作只係啱想溝貨又怕資金被鎖死，如果冇炒開呢啲股份，Short Put就不宜沾手。