【期匯決算】每百日圓兌港元跌穿5算要留意

【Now財經台】日本央行行長植田和男喺記者會表示，日圓貶值未對核心物價產生重大影響，即認為日本整體經濟或通脹情況溫和，唔算太差。但喺議息結果出爐同植田和男發表言論後，日圓創34年新低，每百日圓兌港元跌至5.01水平，有咩要留意？

東亞銀行財富管理部高級投資策略師黃燕娥指，日本央行議息結果係偏「鴿」派，加上市場原先有期盼，認為日本央行會因為呢排日圓較弱而透露將來有冇加息意欲，但呢啲内容全部都喺議息會議落空，令市場認為短期内加息動向不大。

Angela又話，植田和男提到通脹上升就會加息，但日本最新通脹走勢向下，挨近2%目標水平，所以日圓短期内都會有壓力。