【名家給力場】金磚峰會傾「去美元化」難有共識

【Now財經台】金磚國家峰會今日(24日)結束，其中一個獲重視嘅議題就係「去美元化」，希望推出一套由金磚國家主導的國際支付系統，各國之間唔再以美元為交易媒介，減少對美元嘅依賴，但將來「去美元化」係咪真係推行到？

資深銀行家劉卓衡指，要徹底「去美化元」一定要經過重重關卡，因為美元作為國際共識貨幣，唔少交易都以美元結算，令美元變成一個大眾化嘅商品之餘，同時更係制裁國家嘅手段，如果之後交易用返各自嘅貨幣系統，未必每個國家都會接受，加上金磚國家之間無論技術上，或選擇邊一種貨幣都仲未有任何共識，之後只會更難推進「去美元化」。

佢又話，目前嚟睇，雖然最有機會嘅替代貨幣係人民幣，加上貿易上開始多咗國家接受，但喺資本市場上，人民幣仍然未係一個可以自由兌換嘅貨幣，佢又提到，唔一定要係「去美元化」，可以用現有技術建立新貨幣交易平台，不過，唔排除會有討價還價嘅情況出現，但若然確實之後推行的話，人民幣肯定會比其他貨幣更易接受。