【環球金融快線】全球抗通脹「Almost Won」？

【Now財經台】國際貨幣基金組織(IMF)以「Almost Won」來形容全球對抗通脹，預期全球通脹會喺2025年底降至3.5%，不過，據地區數據顯示，發達經濟體通脹率約2%，而歐洲新興地區及中東地區再高一截，介乎7%至8%，呢場抗通脹大戰係咪已接近打勝仗？

資深經濟師羅家聰指，依家整體通脹預測只係比較接近目標，核心通脹仍然喺3%至4%横行，雖然之前跌幅較大，但一直都唔達標，雖然數字上係近咗，但暫時唔適宜睇得太樂觀。

KC又話，IMF過分相信利率及財政政策有效，但根據過往經驗，對扭轉或紓緩經濟狀況幫助唔大，環球因素主導經濟走向，見到資金仲流入緊股市，未來會唔會由盛轉衰，或者由衰轉盛，都要靠投資者客觀判斷，預測未必會準確。