【專家分析】香港電訊逾6厘息率吸引力大

【Now財經台】香港電訊(06823)股價已連升第8個交易日，今日(8日)一度再升2.7%，高見12.5元。市場近期熱炒穩定幣概念，香港電訊都有持有金融管理局發行嘅首批穩定幣沙盒，呢方面係咪都值得憧憬？息率因素係咪另一個優勢？

信達國際研究部董事趙晞文指，香港電訊派息一向穩定，相對於其他電訊股，集團逾6厘嘅息率確實吸引，因此，中長期投資者都會有一個基本配置喺度。香港電訊核心業務冇太多新消息，近期市場都係圍繞穩定幣布局做短線操作居多。

晞文又話，集團旗下研發嘅跨境支付，未來會唔會成為第2條潛在增長曲線，暫時言之尚早，但上望空間充足。