【期匯決算】美匯指數96.5隨時失守

【Now財經台】美國公布14個國家嘅新關稅稅率，將於8月1日起實施，新關稅普遍低過4月初公布嘅稅率，又或者相若，消息一出，美國股債雙殺，美元就轉強，隨著關稅逐步明朗化，美匯指數可唔可繼續向上？

連連STAR FX總經理陳欣指，呢幾日美元自低位輕微反彈，可能市場對貿易方面有憧憬，加上就業數據唔差，都支持美元反彈。雖然美國總統特朗普(Donald Trump)將對等關稅(Reciprocal Tariff)押後至8月1日生效，等美國有時間1同其他國家再埋枱傾，但特朗普態度一向反覆，所以不確定性仍會發酵，加上美國經濟前景有隱憂，美元或繼續呈反覆回落格局。

Chase又認為，雖然美匯指數近排反彈，但要突破98或98.5水平唔容易，短線支持位睇96.5水平，但唔排除一旦再有不明朗消息傳出，96.5都未必守得住。