【FINTERVIEW】巴郡再發日圓債部署加注5大商社？(下)

【Now財經台】「股神」巴菲特(Warren Buffett)年底就會退休，但眼光仍然好準，佢之前話睇好日股，結果日股愈升愈有。市傳巴郡(Berkshire Hathaway)計劃再發日圓債，係今年第2次，合共7批，年期介乎3至30年，最快周五(14日)定價，巴郡再發日圓債有咩盤算？

工銀亞洲金融市場部高級經濟師程嘉偉指，由於日本央行加息步伐緩慢，加上當地息口偏低，所以日本係理想嘅發債地，而日圓債就係一項理想工具。佢又估計，巴郡好大機會將募發債集資所得用嚟投資5大商社。

Gary又指，依家日股市盈率(PE)約16至17倍，5大商社PE就介乎9至10倍，股息率約4%至5%，係較穩陣嘅選擇，而巴郡不斷增持下，集團喺5大商社嘅持股量，已升至接近須披露水平。