我的股票

    名稱 現價 升跌

    資料報價延遲十五分鐘

    標籤: 地產

    【蝸居百科】聖誕布置細節

    【地產】 2019/12/14 16:53

    【now.com地產】踏入12月,全城都換上聖誕裝飾。你少不了都要喺床下底摷返啲聖誕飾物出來,替你嘅蝸居添上聖誕氣氛,跟著call班friends上來,搞返個大食會,一齊歡渡佳節!

    不過,你千祈唔好忘記,廁所都要裝飾一番,否則全屋營造聖誕氣氛,就功虧一簣。

    最簡單嘅聖誕廁所裝飾,就係放一束聖誕花喺洗手盆邊,或者掛一圈聖誕葉喺鏡面,咁客人從客廳走入廁所,聖誕感覺不變,歡樂心情持續。

    心理學家話,嗅覺係通往情緒嘅捷徑,因為其他感官係被大腦意識到之後,人先至有反應;但係嗅覺係人嘅反應先過意識;而且,嗅覺記憶比視覺記憶更持久穩定。所以,廁所香薰、揮發香氣嘅番梘或者洗手液,不可或缺,咁樣,廁所先至可以同客廳嘅聖誕氛圍氣味襯托呼應。

    客人用嘅各類廁所用品,例如番梘、梘液、抹手紙、毛巾等,都放喺一個銀盤上面,蝸居廁所立即高貴十倍,使到客人有置身於大酒店洗手間嘅感覺。

    最後,廁所裡面嗰個垃圾籮,最易被你忽視。換返個金屬垃圾筒,廁所格調立即提升。筒身綁條紅絲帶,更具節日意思。客人用完廁、洗完手之後,掉抹手紙入垃圾筒裡面時,心情愉快!

    細節顯品味!預祝大家聖誕快樂!

    蝸居達人邵存希

    想睇更多財經消息