【股市脈搏】金陽新能源今年狂飆20倍

【Now財經台】金陽新能源(01121)今日股價波動唔算大，一度升逾2%後，收市微跌0.06元，報16.3元。

股份其實8月初開始起動，至今累升超過2倍，噚日仲見上市以嚟高位16.9元。

集團前身係寶峰時尚，原本主業係做人字拖，年初公布轉型做光伏新能源業務後，今年股價累升20倍。

而公司噚日宣布同太一光伏簽訂咗硅片銷售協議，未來1年提升不少於1億片單鑄硅片，每片售價3.62元人民幣，雖比市價約5元人民幣低近30%，但計落都有幾億生意額。

不過要留意，集團過去幾年到今年中期仍未有盈利，而RSI升至80超買水平後唔肯郁，加上近日成交亦同股價走勢背馳向下，要小心高追風險。