【財經TOP SEARCH】煤氣再停派紅股「後遺症」大？

【Now財經台】截至早上11時止，1小時内《彭博》用戶關注度上升最多的港股，依次為香港中華煤氣(00003)、中國恒大(03333)、東方航空(00670)、恒大物業(06666)、雅居樂集團(03383)

煤氣股價今朝急挫，半日收市跌逾14%，失守10元，仲係跌幅最大藍籌，股價跌得咁急，除咗業績倒退，最令投資者失望一定係突然停派紅股，大行亦即時下調目標價，其實煤氣過去都試過兩次取消派紅股，今次再停派，對股價影響有幾深遠？

京華山一國際研究部主管彭偉新指，新管理層上場後已少減派紅股，所以唔係單一年度嘅政策，派息就以現金代替以往派紅股。Castor又指，過往好多投資者好期待煤氣派紅股，今次取消咗，反映未來整體派息會更審慎，股價一定遭殃，甚至資金流失。佢表示，煤氣喺股市下跌時，唔能夠作為一個資金避風港，失去避險功能。