我的股票

    名稱 現價 升跌

    資料報價延遲十五分鐘

    【財經TOP SEARCH】內地樓價跌打殘易居股價?

    【分析】 2022/04/14 15:19

    【Now財經台】截至早上11點,1小時內《彭博》用戶關注度上升最多港股,依次為易居企業控股(02048)、思摩爾國際(06969)、東亞銀行(00023)、比亞迪股份(01211)、信義光能(00968)。

    內房嘅「三條紅線」令唔少地方嘅房地產交投冰封,據報當時深圳差唔多一半嘅地產代理要執笠,雖然易居捱過咗呢一關,但同唔少內房一樣,易居亦要面對債務問題,公司一筆涉及約1億美元嘅票據,將會喺4月18日到期,而且好大機會違約,係咪反映內房債務問題燒埋地產代理?

    椽盛資本投資總監曾永堅指,最影響地產代理係實施「三條紅線」後,令樓市出現轉向,內房逐漸步入「寒冬」,由於內房陸續爆出債務問題,導致樓價不斷向下,潛在買家都唔敢買樓,代理自然冇工開。佢又話,易居舊年業績係由盈轉虧,前景又唔明朗,但債務問題對易居股價影響唔大,反而樓價對易居股價嘅衝擊就非常大。

    想睇更多財經消息