【Now財經台】截至早上11點止，1小時內《彭博》用戶關注度上升最多港股，依次為中銀香港(02388)、中信銀行(00998)、小米集團(01810)、中國海外發展(00688)及世茂服務(00873)。
中銀公布首季業務表現，首季撥備前經營收入按季升25%，按年則升6%，而中銀股價今朝造好。
京華山一國際研究部主管彭偉新指，市場對中銀首季業績唔算睇得特別好，主要受疫情影響，市場亦預期，整體經濟會影響銀行業務表現。
雖然恒生銀行(00011)、滙豐控股(00005)業績出爐都影響本地銀行股，但Castor話，今次中銀業績冇市場預期咁差，而且仲錄得增長，加上美國加息令息差擴闊，都令中銀股價造好。雖然中銀上晝唔可以喺高位收市，但都可以喺高位橫行，而喺息差收入擴大下，可以試埋穿30.5元。
