【股市脈搏】新晨衝高後再急插21%

【Now財經台】新晨動力(01148)今朝高開逾6%後，升幅一度擴大至逾8%，高見0.65元，但其後走勢急轉直下，曾倒插逾21%，低見0.47元。

新晨股價噚日大升，有分析解讀為公司可受惠於內地新一輪汽車下鄉政策。不過，公司喺收市後出通告，解釋返異動原因，亦同汽車下鄉政策冇關。

值得留意係，截至去年底止，新晨手頭現金僅逾1200萬元，但負債逾12億元，股價今日回套除咗獲利，可能市場對新晨嘅財政狀況都冇乜信心，股價今朝一度收復100天線，但之後又失守。