【Now財經台】全國統一電子煙交易管理平台喺6月15日正式運作，之後須持牌先可以喺平台買賣，思摩爾國際(06969)獲多家中資券商力薦，咁思摩爾表現係咪值得憧憬？
uSmart盈立證券研究部總監陳偉聰指，思摩爾的確可以睇高一線，因為集團有唔少海外大客，霧化產品全球市佔率又排第1位，而毛利率相比同業亦有優勢。Jason又話，思摩爾舊年下半年純利倒退，今年可能跌得仲勁，所以睇估值其實冇乜意義，如果業績差，大行又降盈利預測，可能2023年、2024年預測PE仲高，喺估值唔算平之下，股價一旦升到24元、25元阻力會愈來愈大。
