【股市脈搏】金川「出手」成功救價

【Now財經台】金川國際(02362)今日平開後，升幅逐步擴大，午後刷新日內高位，最多升逾12%，高見0.99元，最終以近全日高位收市，報0.98元，連升第2日，成交股數較噚日增加1倍。

金川3月因內地疫情再度發酵，喺多個一線城市停工停產下，股價明顯受壓，5月出咗首季營運數據後，股價一度跌至0.78元嘅年半低位，集團今日終於出手回購撐股價，消息一出，唔止收復50天線，仲成功突破上5月初嘅上升三角形阻力線，量度升幅約1.05元。