【Now財經台】高盛發報告指，雖然「618」購物節整體家電銷售按年升6.7%，原材料價格亦下跌，但唔少家電股如海爾智家(06690)、創維集團(00751)，都「踩過界」做埋太陽能相關業務，開拓更多收入來源，依家係咪入手家電股嘅時機？
獨立股評人莫灝楠指，雖然個別家電股做埋太陽能相關業務，但其實比重唔大，佔整體業務嘅佔比只得單位數，以創維為例，主業仍然係生產電視機、控制板，太陽能業務最多只係為公司帶來噱頭，家電股唔能夠從中直接受惠，佢又認為，如果投資者想買家電股，可以撈一啲只有內地業務嘅家電股，始終歐美經濟變數仍比較多。
