【專家分析】潤燃安徽插旗意義重大？

【Now財經台】華潤燃氣(01193)注資逾46億人仔，收購合肥燃氣49%股權，依家內地可以潤燃插旗嘅省會級城市已買少見少，今次集團喺安徽插旗嘅象徵意義係咪更大？

耀才證券研究部總監植耀輝指，其實呢個板塊嘅競爭一向唔細，好多公司都透過收購不斷搶市佔率，如果你唔做，其他人都會做，最後反而令自己公司不利，所以依家唔少公司都會爭住去收購一啲優質項目。

Stanley又話，潤燃近年都有唔同部署，今次呢類交易亦做咗唔少，但大行對呢個板塊嘅睇法仍相對保守，主要係受疫情影響，市場認為燃氣銷售會減少，不過，對潤燃睇法相對正面，原因係公司未來仍有併購憧憬及部署，所以見到股價表現及大行對佢哋嘅評價都相對正面。