【Now財經台】基石藥業(02616)今朝高開逾1%後，升幅一度擴大至近4%，高見5.4元，但午後走勢轉弱，尾市更一度倒跌逾2.3%，其後拗腰向上，收市報5.21元，微升逾0.1%，全日成交金額逾880萬元。
據《彭博》下午報道，基石藥業正探索包括出售控股權在內多個戰略選項，但僅處於初步階段，現時仍未有定案。不過，消息傳出後，基石藥業股價冇乜反應，甚至升少咗，尾市仲要倒跌，似乎市場對所謂賣盤消息唔太受落。
基石藥業股價3月中見過上市低位4.17元，近幾個月一直喺4元至5元橫行，喺未有具體消息公布前，宜保持觀望，唔好急於出手。
