【Now財經台】商湯(00020)連跌8日，創上市新低2.04元後，公司終於出手，上市後首次回購股份托價，刺激商湯股價今朝一度炒高逾15%，高見2.42元，之後升幅略為收窄。
商湯噚日收市後公布，以每股2.1元，回購670萬股，涉資逾1400萬元。
商湯似乎資金好充裕，去年底上巿集資約64億元，現金加定存合共逾215億人仔，折合約250億港元，掟1400幾萬做回購只係小數目，但公司其實仲未有錢賺，過去兩年已累計蝕逾290億人仔，加上研發開支龐大，估計手頭現金可以撐到約7年，未來會再掟幾多現金做回購都係未知數。
雖然商湯今日大升，但仲未升穿10天線，如果喺低位撈咗貨嘅散戶，小心股價上到高位可能出現散貨潮。
