【Now財經台】美團(03690)股價午後突然急插,一度連160元都守唔住,低見159.5元,重挫近12%,更拖累恒指跌幅擴大至逾300點,觸發點係《路透》爆料,指騰訊控股(00700)計劃盡沽持有嘅美團股份,涉資240億美元,呢個消息嘅可信性有幾大?
獨立股評人莫灝楠指,呢個消息屬實都唔出奇,因為中央對騰訊嘅監管未完全過去,而騰訊作風一向較保守,集團有機會為咗唔受咁多監管猜疑,寧願將之前已經賺咗唔少嘅投資沽出,亦解釋到點解今日騰訊持倉股,例如嗶哩嗶哩(09626)、快手(01024)、微盟集團(02013)股價表現都咁差。