【股市脈搏】移卡挑戰18元有難度

【Now財經台】內地一站式支付服務商移卡(09923)噚日收市後出咗業績，股價今朝高開逾5.5%後，升幅逐步擴大，曾高見16.5元，升近20%，暫時成交約7000萬元，較過去100日同時段平均成交增約4倍。

雖然移卡中期少賺75%，但毛利率大升，公司又宣布啓動股份回購計劃，估計涉資7000萬美元。

技術走勢方面，移卡股價7月5日大跌16%後，一直喺保歷加通道下軸游走，直至今日首度嘗試超越中軸水平，不過，要托上保歷加通道頂部，即18元水平似乎有一定難度，第一步要先睇下可唔可以企穩通道上方。