【Now財經台】睇返九龍倉置業(01997)旗下兩大商場上半年表現，海港城收入微升，但時代廣場收入跌逾20%，出租率就齊齊微升，商場收入可唔可以扭轉上半年劣勢，係咪始終要睇通關？時代廣場收入有冇機會重拾增長？至於對手希慎興業(00014)只有銅鑼灣作為據點，相對九置係咪較輸蝕？
寶鉅證券董事及首席投資總監黃敏碩指，放寬旅客入境係咪代表一定會嚟，如果嚟數目又有幾多，呢啲都要一關關咁去睇，正如之前市場憧憬澳門通關，賭股就炒晒上去，但依家發覺未必係嗰回事，同樣諗法擺落收租股，相信情況都係類似。佢又話，依家港島區空置率相對較高，其實時代廣場可以調整租務策略，加入更多餐廳及多啲民生租戶，從而提升出租率。
至於希慎Michael就指，希慎較專注商場及寫字樓業務，而區域上銅鑼灣仍需努力復蘇嘅地區，希慎係呢區大地主，相對無咁著數，而希慎股價...
