【Now財經台】電池概念股天能動力(00819)嘅附屬公司盈喜，天能動力股價早段升5%，高見7.67元。
天能動力持股逾86%，喺上海科創板上市的附屬公司天能股份預期，第3季純利升65%至78%，賺6.5億至7億元人民幣，首三季賺至少約14億元人民幣，已經多過去年全年純利，相信對天能動力下半年業績會有幫助。
喺有關企業盈喜前，已有資金追入天能動力，今個星期大成交下抽升，升穿10和20天線，上試緊位於7.7元水平嘅250天線。天能嘅電動輕型車電池、鋰電儲能等業務有增長前景，但短線表現都可能會受制港股表現。
