【Now財經台】三葉草生物(02197)今朝輕微低開，好快就掉頭向上，早市維持單位數升幅，午後進一步發力上衝，一度狂飆逾93%，高見4.63元，衝上逾3個月高位，更錄得上市以來最大單日升幅。
近日港股市況好轉，加上憧憬內地遲早放寬防疫措施，對各類疫苗需求都會好大，一啲好快有疫苗獲批嘅概念股成為資金追捧對象，三葉草係其中之一。
不過，由於病毒持續有新變種，公司研發會唔會追唔上病毒變異速度，會唔會落後於同業，就算疫苗成功上市，市場競爭力等，都反映仲有好多不確定性。
三葉草今日升勢有大成交配合，唔排繼續有資金追捧，但留意RSI已升至83嘅超買水平，股價升至高位難免有沽壓。
