【Now財經台】SaaS股明源雲(00909)今朝高開近15%後，升幅一度擴大至逾23%，報6.66元，暫時成交金額逾2.5億元，成交股數已超過上周五一半。
受疫情打擊，加上內房氣氛差，股份本身估值高，而公司唔少客仔都係內房，令股價沽壓顯著，由高位60元樓上跌至早前3.59元，股份回購及控股股東增持都無助股份表現。前年全年業績由盈轉虧後，一直至今年上半年仍然未能扭虧，內房雖然有政策支持，但要回復至正常水平，仍然有好遠的路，若本身集團業務沒有轉型，仍然被動咁等內房好轉，業績難有顯著改善。
明源雲財務尚算穩健，現時有逾億元現金，加上負債僅逾2億元，但股價喺100天線有明顯阻力，基本因素未有改善前，單靠氣氛推升股價，小心有回調風險。
