【Now財經台】稻草熊娛樂(02125)股價今朝開市早段變動唔大，但開市後1個鐘突然急挫，一度挫近7%，低見0.68元，成交較過去100日同時段平均增逾5倍。
值得留意係，稻草熊成交量今個月開始顯著增加，近期影視股走勢唔錯，但稻草熊股價就相對弱勢，可能同主要股東雪湖資本持續減持有關，雪湖資本今年1月開始減持，由當時最多持股16.12%，減持到依家嘅10.77%。
稻草熊股價由年初開始跌，至今累跌88%，雖然大市喺11月勁彈，但稻草熊都跟唔到，幾日前仲破底，低見0.62元，較IPO價5.88元，「潛水」90%，如果用高位計，更累跌95%，相信都好難翻身。
