【Now財經台】為配合戲院重開，內地再度引進荷里活電影，打頭陣係《阿凡達2》，消息一度帶挈電影相關股份炒咗1日，之後就碌返落嚟，而且跌幅都唔細，有貨嘅投資者應該沽貨離場，還是繼續持有再博一博？
艾德金融聯席董事陳政深指，IMAX中國(01970)、阿里影業(01060)及貓眼娛樂(01896)應該可以受惠於嚟緊嘅檔期，同埋可以炒復甦及重開概念， 但要留意市場開始有啲轉向，就後之前市場憧憬重開，但中央再度確認防疫政策唔會動搖，不過，北京重新重視經濟及內需係仍然存在，所以相關股份回套後，再度重拾升勢係唔出奇。
Ryan又話，以阿里影業(01060)為例，走勢呈高位整固格局，上望0.55元仍有憧憬空間。佢續指，雖然更睇好IMAX中國，但股價太偏離10天平線，甚至50天線，無可避免要回套，但相信整固過後，修正返之前嘅走勢，後市有機會上望6.5元水平，並指這類股份有一定值博率。
