【Now財經台】紙巾股維達國際(03331)及恒安國際(01044)今日大升，午後再升多浸，呢兩隻都疫情初期受惠股，喺內地及香港逐步放寬防疫措施，朝著復常進發之際，點解維達及恒安今日會炒起，係炒需求、追落後、估值復修？
英皇證券研究部總監陳錦興指，呢幾方面嘅因素都有，需求突然增加係因爲復常，經濟復甦對呢類股份都會有幫助，而過往防疫措施覆蓋面較大，依家就偏向個人層面，所以出現搶物資嘅情況，所以呢類股份都有少少相關炒作概念。佢又話，之前人仔貶值、原材料價格上升等，不利紙巾股嘅因素逐漸消除，令相關股份基本面有改善，都可以吸引部分資金再度留意呢類股份。
