【Now財經台】截至早上11時止，1小時內《彭博》用戶關注度上升最多港股，依次為中金公司(03908)、舜宇光學(02382)、騰訊控股(00700)、龍湖集團(00960)及旭輝控股集團(00884)。
今日上榜嘅舜宇股價大冧，但其他手機股就未有大跌，股價早段向好。舜宇股價近期弱勢，有消息指，集團計劃向專業投資者發可持續發展掛鈎債券融資，因為已經配唔到股，要以債養債，手機市場前景係咪好唔樂觀？
富昌證券聯席董事譚朗蔚指，舜宇今日大冧可能同發債集資有關，睇返技術走勢，舜宇股價去年11月高位約98元，同現價比較跌咗超過10元，再睇基本因素，疫情封控、放寬政策都帶來震盪，導致財富效應仍未出現，而市場消費需求亦未有咁快復甦。Stevan提醒，投資者要留意手機板塊嘅換機率及內地廠房產能，現階段宜審慎觀望，並留意84元水平。
