【Now財經台】復星國際(00656)又賣嘢，以作價合共67億人仔出售4家公司權益，其中包括做鋼鐵生產及銷售嘅天津建龍，其他3家就係天津建龍嘅關連投資公司。復星舊年都有減持或賣產動作，包括青島啤酒(00168)等。復星現時總負債逾2600億人仔，現金只得約1100億人仔，所以市場都預咗佢要賣產套現，不過，依家流動性鬆動咗，內房債又冇咁緊張，復星未來係咪會繼續賣嘢？
紅蟻資本投資總監李澤銘估計，復星會繼續賣產套現，但迫切性應該冇之前咁大，之前減持上述嘅資產時，相關公司股價都好低殘，反映之前都幾等錢使，但依家市場氣氣改善，市場流動亦比之前充裕好多，因此，雖然預期未來只會賣走一啲非核心資產。
Alan又話，復星今次出售嘅資產，其實只係有少量持股，亦冇參與營運，純粹係股權投資，出售回籠到資金可以減債，減少未來嘅利息開支。至於未來會減持邊啲資產，李澤銘估計，將會係...
