【Now財經台】截至早上11時止，1小時內《彭博》用戶關注度上升最多港股，依次為騰訊控股(00700)、信義光能(00968)、美團(03690)、銀河娛樂(00027)、友邦保險(01299)。
新能源板塊今朝異動，上榜嘅信光曾大升9%，冇上榜嘅福萊特玻璃(06865)更加勁升13%。據內媒報道，在內地需求強勁，加上成本下降，內地多家太陽能電池板製造商臨時推出增產計劃，刺激信光股價重上100天線，隨著內地經濟重啟逐步復常，係咪已經到咗整個行業重新起動嘅時候？
大華繼顯執行董事梁偉源指，隨著內地全面通關，經濟活動有增無減，對各種能源嘅需求都會增加，加上國家大力推動綠色能源，2023年對新能源嘅需求勢增，尤其係光伏，去年太陽能玻璃產量大增，價格都跟住上，所以相關太陽能產業嘅成本可以下降，趁內地復常，新能源有需求，成本又較以前低，今年有關公司都提升產能，近期有投資者留意到同太陽能相關股，所以新能源板塊今日就夾咗上去。
