【Now財經台】雖然臨近農曆新年，但內地汽車市場仍不乏重磅消息，最具「份量」就要數Tesla減價，其實Tesla舊年10月已減咗一次價，今年初再宣布減價，短短3個月已減價兩次，仲逼到小鵬汽車(09868)都要跟，睇嚟Tesla減價對中資車廠嘅殺傷力都幾大，係咪搶走咗唔少買家？
艾德金融聯席董事陳政深指，內地車廠都處於捱打狀態，Tesla全球性減價策略係基於好多原因，但主要同稅有關，例如Tesla喺美國減價，係因為公司要減價先可以令車主享稅務優惠。
Ryan又話，中國方面就同汽車購置稅有關，舊年仍有購置稅減免，但今年少咗好多，據內地媒體報道，汽車滲透率遠高於官方定下嘅目標，因此，預期官方提供嘅稅務優惠會較少，因此，部分車廠要靠減價維持競爭力。
