【Now財經台】雖然物管股業績喺3月底，但摩根士丹利已搶閘做預測，估計去年有國資背景嘅物管公司業績，將會明顯跑贏民營物管企業，平均多賺最少25%，民營物管公司只錄得溫和增長，甚至出現倒退，具國資背景物管股業績，係咪會進一步拋離民營物管股？國資背景嘅物管股估值比民營高一截，如果想買係咪要捱貴貨？
耀才證券研究部總監植耀輝指，國資背景物管股業績好大機會跑贏民營物管股，過去1年，如果揀內房相關股，必定揀有國資背景，主要係信心問題，而業績表現都幾兩極化，而舊年下半年嘅股價表現都有啟示。
Stanley又話，其實有啲板塊今年發展嘅清晰度更高，而困擾內房及物管股嘅陰霾，今年第1及第2季都好難消退，如果真係要揀物管股，都只能揀華潤萬象生活(01209)及中海物業(02669)，因為...
