【Now財經台】截至早上11時止，1小時內《彭博》用戶關注度上升最多港股，依次為領展房產基金(00823)、碧桂園服務(06098)、騰訊控股(00700)、碧桂園(02007)、快手(01024)。
領展今朝開市前停牌，早前領展先後擴大本港及海外業務版圖，市場揣測領展係咪再有收購動作，對股價有冇進一步刺激作用？
大華繼顯執行董事梁偉源指，受通關消息帶動，領展股價已自低位彈上65元水平，股價去到呢啲水平，如果要再升必須有新刺激因素，例如本地消費增長或大型收購，令公司收入增加，繼而提高派息率。
Steven估計，今次領展嘅內幕消息，應該同海外收購有關，因為集團過去幾年都積極拓展海外業務，如果屬實，相信對領展股價有幫助。
