【Now財經台】截至早上11時止，1小時內《彭博》用戶關注度上升最多港股，依次為領展房產基金(00823)、騰訊控股(00700)、新世界發展(00017)、舜宇光學科技(02382)、萬科企業(02202)。
領展股價今早顯著受壓，更拖冧埋本地地產股，其中，跌幅較顯著係上咗榜嘅新世界，今朝一度跌近10%，新世界今朝大跌係咪受九倉系盈警拖累？還是負債偏高，擔心會步領展後塵集資？
富昌證券聯席董事譚朗蔚指，負債偏高要補充資本其實有好多方法，可以向獨立第3方、機構性投資者等配股，未必要好似領展咁牽涉所有投資者，因此，對其他地產股要供股集資唔太擔心。
佢又話，高負債公司無可避免有配股、集資嘅可能，但值得留意係，大市已明顯開始轉弱，恒指失守20天線，估計好大機會要再下試兩個裂口，甚至20000點關口。大市轉弱，新世界今日又失守咗一直支持住嘅20天線，即使今日成交顯著增加，都建議暫時唔好入手。
