【Now財經台】港股業績期殺到，今個星期有唔少公司派成績表，焦點包括滙豐控股(00005)、港交所(00388)，科技股有阿里巴巴(09988)、百度集團(09888)等，本地地產股新鴻基地產(00016)、信和置業(00083)都會出業績，邊啲公司嘅業績可以睇高一線？隨著復常概念熱潮降溫，中資股仲可唔可以吸引到資金流入？
星展銀行(香港)豐盛私人客戶執行董事鄧威信認為，銀行股受惠於息差擴闊，相信舊年整體業績都會做返好啲，不過，本地地產股嘅土地及物業儲備按市值計價(Mark to Market)會有減值，估計會影響業績表現。佢又話，對科技股嘅憧憬較大，因為現金流強勁，又可以靠唔同概念炒上。
Wilson續指，未來資金流走向要睇經濟數據，因為可以反映企業盈利表現，此外，亦要留意內地未來出台嘅經濟刺剌激政策。
