【Now財經台】截至早上11時止，1小時內《彭博》用戶關注度上升最多港股，依次為騰訊控股(00700)、碧桂園(02007)、創科實業(00669)、龍湖集團(00960)及中國移動(00941)。
內地製造業及非製造業數據強勁，騰訊帶動港股向好，噚日北水又淨買入9.5億元騰訊股份，即使市傳內地或收緊短視頻監管，但騰訊今朝一度照升近6%，高見363.8元，技術上繼續喺50天線爭持。
獨立股評人譚智樂認為，雖然騰訊未必能跑贏其他新經濟股，炒短線唔太值博，因為大市自低位反彈後，股份嘅beta值唔太高，但佢指出，騰訊業務具防守性，長遠投資價值高。
Arnold續指，騰訊同阿里巴巴(09988)仍然係行業首選，並預期視頻及電商業務經歷嚴格監管後，依家開始重獲國家扶持。
