【Now財經台】恒指今日險守19000關，有近1300隻股份向下，但兩隻中字頭國企，中國交通建設(01800)及中國鐵建(01186)一度逆市創52周新高，不過，中鐵建下晝轉跌，最終收報5.89元，跌近3%。
「兩會」月初召開寺，市場熱炒中字頭國企股，基建股係其中之一，其中，中國中車(01766)以今日即市高位計，3月至今累升30%，但其實集團去年第4季工程承包新簽合同金額，增幅較去年第2及第3季明顯放緩，加上「兩會」後，集團未有公布大型基建規劃，連投資額都冇提過，相信好快會「散水」。
技術走勢方面，雖然RSI今日回落，但仍喺65水平，陰陽燭更出現穿頭破腳形態，短期走勢似乎唔太樂觀，有貨投資者要小心。
