【Now財經台】雖然外圍銀行業信心危機略為紓緩，但投資氣氛難一下子恢復，恒指今朝高開逾百點後，早段最多升逾200點，但由於冇乜承接力，中午前升幅一度收窄至僅17點，低見19018點，午後滙豐控股(00005)、友邦保險(01299)向好，加上騰訊控股(00700)發力由跌轉升，恒指升幅逐步擴大，尾市一度升近300點，高位19295點，收市報19258點，升258點，不過，升市成交縮，全日成交縮減至逾1024億元，較噚日少20%。
北水連續第10日錄得淨流入，但今日金額相對較少，全日淨流入約10億元。
港股暫時都係日升日跌格局，未有明確方向，技術走勢亦未有大轉變，暫時都係留意19000關，睇下聯儲局公布議息結果後，守唔守得住19000點。
