【Now財經台】中興通訊(00763)董事長李自學噚日喺博鰲論壇上發言，令市場關注近年大規模興建5G網絡，其實對現時整體數據用量冇帶嚟太大增長，結果公司H股今日最多跌10%，低見21.65元，A股更一度跌停。
艾德金融聯席董事陳政深指，睇返中興去年業績，3大業務包括搞網絡建設嘅運營商網絡、政企業務、消費者業務嘅收入增長介乎中單位數至低雙位數，有放緩跡象，可能因此引起市場憂慮。
Ryan又提到，目前5G應用較常見於物聯網，但喺內地發展仍未承受到，而消費者體驗亦因為5G網絡覆蓋率不足而帶動唔到用量。
佢認為，市場始終容易受短線消息影響，但預期中興股價喺50天線會有一定支持，即21.8元水平，但如果跌穿咗，或要下試19.5元至20元水平，未必值得博撈底。
