【Now財經台】倫敦金屬交易所(LME)為咗應付鎳庫存持續下跌，計劃全面整改鎳業務，包括容許以1種新實物形式進行合約交割，甚至喺中國開設新現貨鎳市場，跟港交所(00388)持有的前海聯合交易中心共同開發交易場地。LME期鎳價格已連跌兩日，噚日收報每噸23199美元，鎳供求基本面對鎳價支持作用係咪有限？鎳價係咪會延續2月以來嘅跌勢？
英皇期貨營業部總裁葉佩蘭指，依家鎳嘅基本面疲弱，因為一直有供過於求嘅情況，喺供應充足，但需求冇明顯回升下，鎳價喺年初跌穿27000美元支持位後，持續下跌，早前曾彈上24000美元，但之後又跌過，佢預期下一個支持位喺20000美元。
