【Now財經台】中興通訊(00763)聽日除淨，H股今日創52周新高，集團收入來自3大業務，其中政企業務佔收入比重最大，去年收入增長11.8%至146億人仔，佔比近12%，政企業務本身係增速最快嘅業務，去年整體增長約11%，今年目標有40%增長，似乎喺數字化轉型浪潮下，企業客戶需求顯著上升。
博威環球資產管理金融首席分析師聶振邦指，暫時都見到企業客戶需求上升嘅狀況，主要係內地今年進入復常進程，加上內地今年經濟增長預測定於5%，較舊年嘅3%有明顯提速空間，相信今年中興3大業務都會有唔錯嘅增長。
聶Sir又話，內地3大電訊商之前公布5G嘅數據，客戶持續增長，反映內地及電訊相關產業都向好，因此，中興股價現階段仍有支持。
