【Now財經台】航運股海豐國際(01308)中午公布首季收入向下,午後股價轉弱左,不過睇成交沽壓唔算太大。
海豐國際首季集裝箱航運物流業務收入大跌逾40%至約6億美元,因為期內價量齊跌,首季平均運費每個標準箱722.4美元,按年大減42%,運量就跌左5%。
海豐國際首季業績差,可以話係預期之內,早前同業中遠海控(01919)預告首季純大跌時,都提過集裝箱市場需求轉弱。
睇長期走勢,海豐國際股價一早已經跌左落嚟,預測PE落到大約5、6倍水平,與同業相若,可能都反映大部分盈利倒退嘅預期,股價一直受制於250天線,今年以嚟有波幅無升幅,嚟緊星期三除淨,在航運物流需求未見有太多好消息下,除淨後嘅股價走勢值得關注。