【Now財經台】雅天妮集團(00789)今朝復牌大幅高開近27%後，升幅擴大，中午前一度飆1.3倍，高見0.146元，不過，成交金額暫時僅逾200萬元，唔算好多。
集團前日公布，主席謝海州計劃出售合共逾64%持股，粗略估計，佢手上大半股權嘅成本價約每股0.087元，再計埋雅天妮近年做過1次「5合1」，謝海州手上呢批貨成本價每股逾0.4元。
不過，股份今朝即市高位只係0.146元，如果單以大股東多年前增持嘅成本價作參考，似乎唔太現實，因此，可以參考返約0.127元嘅帳面淨值，股價中午前都喺呢個水平，到底實際作價點定，似乎仲有好大討論空間，投資者不如再等集團公布更多詳情再出手都未遲。
