【Now財經台】美國聯儲局一如預期再加息，加上投資者憂慮經濟前景，國際油價噚晚再跌約4%，連跌3日，中國海洋石油(00883)股價今朝向下，多唔多淡友追沽？還是見股價落到50天線似乎有支持，反手開好倉？如果開好倉，係咪唔建議太進取？
滙豐亞太區財富管理香港上市產品銷售經理盧貴良指，近排中海油投資者都係睇返好倉為主，因為五一假期數據反映中國市場需求增加，油價上個月已累跌20%，但中海油股價仍逆市彈高，如果投資者繼續睇好，建議唔好揀得太進取，始終油價呈下跌趨勢，行使價可以考慮揀13元，明年2月到期，實際槓桿可以做到6倍。
佢又話，如果想做止蝕操作，可以考慮牛證，行使價約11.5元，實際槓桿可以做到16倍。
