【Now財經台】現貨金價升至每盎司2050美元水平，市場對美國銀行業危機嘅憂慮再升溫，支持金價連升3日，SPDR金ETF(02840)股價今朝一度高見1497元，金價利好因素仍然唔少，投資者係咪仍傾向追好倉？熱門CALL行使價都比較分化，價外2%至逾10%都有，槓桿6倍至7倍，年中至年底到期。
星展財資市場部上市產品主管周國威指，金價已企穩2000美元樓上，用衍生工具做部署唔同買正股，金價波動主要喺美股時段，投資黃金相關窩輪以過夜為主，而投資者主要吼貼價及價外產品，年期最少6個月。佢又話，如果金價企穩2050美元，如果睇好有機會再升，可考慮換馬價外10%，明年第1季到期嘅CALL。
