【Now財經台】國際金價持續下跌，紐約6月期金已連跌第3日，追蹤金價嘅SPDR金ETF(02840)都要跌，今朝一度低見1423元，其實月初一度高見1498元，其後持續回調，但近期已經喺1420元水平打咗底。市場最近一直受美國債務上限問題困擾，導致避險情緒升溫，多唔多投資者部署好倉博反彈？
星展財資市場部上市產品主管周國威指，SPDR金ETF對上5個交易日都錄得淨流入，反映有較多投資者關注，金價喺避險情緒高漲下仍回落至每盎司2000美元樓下，主要係美元轉強令金價受壓，但相對其他風險資產，黃金仍然係唔錯嘅選擇。
佢又話，如果之前未做好倉部署，可以趁金價喺1950美元水平，考慮市面上SPDR金ETF或相關CALL輪，佢又提醒，金價喺亞洲時段較少大上大落，所以未必適合短炒，中線部署亦要揀年期較長嘅CALL輪。
